ဖူးမျှော် ကြည်ညို နိုင်ပါကြောင်း အသိပေး နှိုးဆော်အပ်ပါသည်

အဂ္ဂမဟာကမ္မဋ္ဌာနာစရိယ ကျေးဇူးတော်ရှင် အောင်လံဆရာတော်ဘုရားကြီးအား(27-3-2025 မှ 1-4-2025) အထိ နေ့စဉ် (ညနေ 4:00 နာရီ မှ 5:00 နာရီ) အတွင်း တိုက်ခွဲအမှတ်(၃၂)သဲအင်းဂူ ဝိပဿနာဓမ္မရိပ်သာ(မန္တလေး)ဆရာတော်စံကျောင်း၌ ဖူးမျှော် ကြည်ညို နိုင်ပါကြောင်း အသိပေး နှိုးဆော်အပ်ပါသည်။

ရိပ်သာသို့ ဆရာတော်ဘုရားကြီးဖူးတွေ့ရန်လာသော ဓမ္မမိတ်ဆွေများအနေဖြင့်ဘောင်းဘီတို၊ ရှည်၊ စကပ်၊ လည်ဟိုက်၊ ကိုယ်ကျပ်၊ လက်တိုပြတ်၊ ဘေးကွဲ၊ ရှေ့ကွဲ၊ နောက်ကွဲ စသည့် မလျှော်ညီသော ဝတ်စားဆင်ယင်မှုများ ဝတ်ဆင်မလာကြပါရန်ကြိုတင် မေတ္တာရပ်ခံ အသိပေးအပ်ပါသည်။

မန္တလေး အချောသပ် တရားစခန်း (15.6.2025) မှ (26.6.2025 ) အထိ ကျင်းပပြုလုပ်မည်

မန္တလေးတိုင်းဒေသကြီး၊စဉ့်ကိုင်မြို့နယ် ဆည်ရွာအုပ်စု၊ မင်းလှကျေးရွာရှိ တိုက်ခွဲအမှတ်(၃၂)သဲအင်းဂူ ဝိပဿနာဓမ္မရိပ်သာ၌ (15.6.2025) မှ (26.6.2025 ) အထိ ကျင်းပပြုလုပ်မည်ဖြစ်သော "မန္တလေး အချောသပ် တရားစခန်း"ကိုဗစ်မတိုင်မီ (13.2.2020) မှ(24.2.2020) အထိ ကျင်းပရန် ပြုလုပ်ထားခဲ့သော တရားစခန်းပွဲအတွက် တိုက်ခွဲအမှတ်(၃၂)သဲအင်းဂူ ဝိပဿနာရိပ်သာ(မန္တလေး)၌ စာရင်းပေးထားပြီးသော ယောဂီအဟောင်းများအနေဖြင့် တရားစခန်း ဝင်ဖြစ် မဝင်ဖြစ်ကို 09450050128 ဆရာတော်ဥူးဣန္ဒာစရိယထံသို့ (27.3.2025) ကြာသပတေးနေ့ နံနက် (၈)နာရီမှ နံနက်(၁၀)နာရီနေ့လည် (၁)နာရီမှ ညနေ(၆)နာရီအထိ ဆက်သွယ်ပြီး confirm ပြုလုပ်ပေးပါရန် အသိပေးအကြောင်းကြားအပ်ပါသည်။

အောင်လံမြို့ နှစ်ထပ်ဓမ္မာရုံကြီး ပန္နက်ရိုက် မင်္ဂလာအခမ်းအနားမှတ်တမ်း

သာသနာတော်နှစ် ၂၅၆၈-ခု၊ ကောဇာ သက္ကရာဇ် ၁၃၈၆-ခုနှစ် တပေါင်းလပြည့်ကျော် (၆)ရက် ခရစ်နှစ် (19.3.2025) ဗုဒ္ဓဟူးနေ့ မကွေးတိုင်းဒေသကြီး၊ အောင်လံမြို့ တိုက်ခွဲအမှတ်(၃၂)သဲအင်းဂူ ဝိပဿနာ ဓမ္မရိပ်သာ၌ ကျင်းပပြုလုပ်ခဲ့သော အလျား ၁၉၄ပေ၊ အနံ ၁၇၁ပေ၊ ရှိသော နှစ်ထပ်ဓမ္မာရုံကြီး ပန္နက်ရိုက် မင်္ဂလာအခမ်းအနားမှတ်တမ်း၊ ဓမ္မာရုံအလှူရှင်မှာ တော်ဝင်စိန်တိုက် မိသားစု ကောင်းမှု(မန္တလေးမြို့) ဖြစ်ပါသည်။

ဆေးကုသဆောင် ရေစက်ချ လှူဒါန်းခြင်း မှတ်တမ်း

သာသနာတော်နှစ် ၂၅၆၈-ခု၊ ကောဇာ သက္ကရာဇ် ၁၃၈၆-ခုနှစ် တပေါင်းလပြည့်ကျော် (၃)ရက်၊ ခရစ်နှစ်- (၁၆.၃.၂၀၂၅) တနင်္ဂနွေနေ့ ရန်ကုန်တိုင်းဒေသကြီး၊ လှည်းကူးမြို့နယ်၊ အမှတ်(၇)လမ်းမကြီးဘေး သာသနာ့ပျိုးဥယျာဉ်ကျောင်းတိုက်ကြီးအတွင်း၌ ဆေးကုသဆောင်ကို အလှူရှင် မိသားစုများဖြစ်ကြသော မိဘဘိုးဘွားများနှင့် ခင်ပွန်း ဦးဝင်း(ခ)လီငီဝင်းအား ရည်စူး၍ ဒေါ်ကျင်လှိုင်နှင့်သားများ မိသားစုတို့မှ မြတ်နိဗ္ဗာန်၏ အားကြီးသော အထောက်အပံ့ ဖြစ်စေခြင်းငှာ စေတနာ(၃)တန် ပြဌာန်းပြီး ရေစက်ချ လှူဒါန်းခြင်း မှတ်တမ်း

Buffalo, NY ယောဂီသစ် အဓိဌာန် (၉) ရက် တရားစခန်း ယောဂီစာရင်း လက်ခံနေပါပြီ

တိုက်ခွဲ ၃၂ သဲအင်းဂူ ဝိပဿနာ ဓမ္မရိပ်သာ ဌာန ချုပ် USA ၌ တလ လျှင်တကြိမ် ယောဂီသစ်၊ ယောဂီဟောင်း၊ နာရီရှည်အကြို နှင့် နာရီရှည် (၂၀) ရက် တရားစခန်းများကို ကျေးဇူးတော်ရှင် အောင်လံဆရာတော်ဘုရားကြီး၏ လမ်းညွှန်မှူဖြင့် ဆရာတော်အရှင်ဓမ္မပါရဂူမှ ကြီးကြပ်၍ သာသနာပြု ဥပဌာကများ၊ တရားထောက်များ ဝေယျာဝစ္စအကျိုးဆောင်များ နှင့် ကုသိုလ်ရှင်များ၏ စုပေါင်းအားဖြင့် Theinngu32 USA ဓမ္မရိပ်သာ Stockton, California ၌ လစဉ် ပုံမှန်ကျင်းပပေးနေပါသည်။
တရားစခန်း မတိုင်ခင် zoom online အာနာပါန လေ့ကျင့်ရေးအတွက် မသူသူ (202) 841 4107 ထံ စုံစမ်းနိုင်ပါသည်။

ရန်ကုန် (၁၀)ရက်အဓိဋ္ဌာန် အချောသပ် တရားစခန်း ဖွင့်ပွဲမှတ်တမ်း (5.3.2025) မှ (16.3.2025)

သာသနာတော်နှစ် ၂၅၆၈-ခု၊ကောဇာ သက္ကရာဇ် ၁၃၈၆-ခုနှစ်တပေါင်းလဆန်း (၇)ရက်၊ခရစ်နှစ်- (၅.၃.၂၀၂၅) အင်္ဂါနေ့ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ကုန်းတလပေါင်စံပြကျေးရွာရှိ တိုက်ခွဲအမှတ်(၃၂)သဲအင်းဂူ ဝိပဿနာဓမ္မရိပ်သာ၌ (5.3.2025) မှ (16.3.2025) အထိ ကျင်းပပြုလုပ်နေသော (၁၀)ရက်အဓိဋ္ဌာန် အချောသပ် တရားစခန်း ဖွင့်ပွဲမှတ်တမ်း တရားစခန်းဝင်ဦးရေ (၂၇၉)ဦးရဟန်း (၄)ပါးအမျိုးသားယောဂီ (၁၀၉)ဦးသီလရှင် (၉)ပါးအမျိုးသမီးယောဂီ (၁၅၇)ဦး

စင်္ကာပူယောဂီသစ် (၃)ရက် အဓိဌာန် နေ့တရားစခန်း

(29.3.2025) မှ (31.3.2025) အထိ တိုက်ခွဲအမှတ် (၃၂) သဲအင်းဂူ ဝိပဿနာ ဓမ္မရိပ်သာများ နှင့် သာသနာ့ ပျိုးဥယျာဉ်ကျောင်းတိုက်ကြီး၏ မူလ ဦးစီး ပဓာန နာယက အဂ္ဂမဟာကမ္မဋ္ဌာနာစရိယ ဘဒ္ဒန္တ စန္ဒိမာ (အောင်လံ ဆရာတော်ဘုရားကြီး) ၏ ဥပနိဿယဖြင့် တိုက်ခွဲအမှတ် (၃၂) သဲအင်းဂူ ဝိပဿနာ ဓမ္မရိပ်သာများ၏ မဟာနာယက ဆရာတော် အရှင်ဓမ္မပါရဂူ (ကမ္မဋ္ဌာနာစရိယ) မှ ကြီးမှူး၍

အာနာပါန အခြေခံ ၅-မိနစ်၊ ၁၀-မိနစ်၊ ၁၅မိနစ်၊ နာရီဝက်မှသည် ၁-နာရီ၊ ၁နာရီခွဲ၊ ၂နာရီ အထိ အဆင့်ဆင့်ရှုမှတ်နည်းကိုနည်းစနစ်တကျ လေ့ကျင့်သင်ကြားပေးသွားမည်ဖြစ်ပါသည်။ (#လူဦးရေကန့်သတ်ထားပါသည်) သို့ပါ၍ တရားကျင့်ကြံ အားထုတ် လိုသော ယောဂီ များ အနေဖြင့် အောက်ပါ ဖုန်း နံပါတ်များသို့ ဆက်သွယ်၍ ကြိုတင်စာရင်း ပေးသွင်းနိုင်ပါကြောင်း အသိပေး အကြောင်းကြား အပ်ပါသည်။

🇸🇬  𝑺𝒊𝒏𝒈𝒂𝒑𝒐𝒓𝒆

☎️+65 9736 4353 

☎️+65 8341 9194 

🇲🇾  𝑴𝒂𝒍𝒂𝒚𝒔𝒊𝒂

☎️+60 12345 8301 

နဝကမ္မအလှူတော်ငွေ (၅၀၀)သိန်းကျပ် လှူဒါန်း

နဝကမ္မအလှူတော်ငွေ (၅၀၀)သိန်းကျပ်ကို အဂ္ဂမဟာကမ္မဋ္ဌာနာစရိယ ကျေးဇူးတော်ရှင် အောင်လံဆရာတော်ဘုရားကြီးအားဦးတေတူးမိသားစု ဒေါပုံမြို့နယ်မှ မြတ်နိဗ္ဗာန်၏ အထောက်အပံ့ဖြစ်စေခြင်းငှာ သဒ္ဓါရွှင်လန်း ဆက်ကပ်လှူဒါန်းပါသည်။

လူနာအားပေး တရားဆေး ၄

လူနာအားပေး တရားဆေး အပိုင်း ၃